ماهو مانع الانزلاق وكيف يعمل

سؤال
Shareef 2020-04-25T01:38:02+00:00 7 إجابات عضو جديد
2

إجابات ( 7 )

  1. benzarab
    0
    2020-04-25T01:42:38+00:00

    ببساطة بيسمك الاطار اللي عم يلف بدون تماسك وبقلل عدد دورات المحرك لتحقيق تماسك بين الاطار والارض

  2. Mahmodh134
    0
    2020-04-25T01:45:06+00:00

    مانع الانزلاق :

    هو نظام يساعد في عدم انزلاق السيارة او اعادتها للسير العادي في حالة الانزلاق .

    نظام مانع الانزلاق متصل بنظام الفرامل ويقوم بعمل فرمله لبعض العجلات حسب الحاجه لارجاع السياره للسير العادي وتفادي الانزلاق

  3. Bassam Abu Ali
    0
    2020-04-25T01:57:15+00:00

    هو عبارة عن نظام بساعد على عدم فقدان السيطره على السيارة وبشوف انو العجل الي بلف وبسبب فقدان السيطره و بضغط على البريك

    هسا كيف بتصير هاي القصه كمبيوتر السيارت بكون براقب العجلات وبعمل حسابات وبشوف انو العجل الي بلف وما في تماسك على الارض وبعمل على فقدان السيطره على السيارت وبضغط بريك عليه لحالو
    وبعمل كمان انو بخفف من العزم الي بطلع من الماطور عشان ما يصير في تفحيط بالقومه

  4. Hassan Al-nouri
    0
    2020-04-25T02:00:33+00:00

    Traction control
    او مانع الإنزلاق
    هو نظام موجود بالسيارات الحديثة وظيفته منع السيارة من الإنزلاق على الطرقات اذا كان في تجمعات مياه امطار مثلا او دوسة طايشة على دواسة الوقود

    النظام بيتدخل ممكن يبطئ عمل شمعات الإحتراق او يقلل كمية الوقود الداخلة للإسطوانات
    او فرملة اطار او اكثر
    كل شي تحت إشراف كمبيوتر براقب حركة العجلات
    و ممكن بطرق ثانية
    هي باختصار

  5. Khaled Altaani
    0
    2020-04-25T02:13:21+00:00

    بصوره مبسطه ممكن تعتبره ضمير السياره الي ما بخليها تقتلك بالاوقات الحرجه هدفها الاساسي انو تمنع حدوث انزلاقات بتادي الي فقدان السيطره على المركبه وممكن تعمل فرمله او تلغي استجابه دواسه الوقود واول على اخر الامن بيد الله والله يحمي الجميع

  6. YMelhem
    0
    2020-04-25T06:10:45+00:00

    مانع الانزلاق هو ازا انت داعس بترول والسيارة زحطت فهو يتدخل ويفصل بترول والعجل يلي عم يفتل يفصل عنه القوة

  7. Oday AlDoabal
    0
    2020-04-26T18:07:14+00:00

    هلق بشرح مبسط نضام بيعتمد على الكومبيوترات الذكية بالمقام الاول
    وبيعتمد على انظمة الدفع وانظمة المكابح
    يعني بس تزحلط السيارة بيفصل الطاقة عن العجل الي ما عم يستفيد من الطاقة او العجل المنزلق وبيعمل فرملة الو وبيعطي طاقة اكبر للعجل المناسب والي ممكن يرجع السيارة بعكس جهة انزلاقها الى مسارها الصحيح
    طبعا هالعملية المعقدة بتم خلال اجزاء من الثواني وبتتغير نظرا للظروف الراهنة على السيارة ولتعطيك الاداء المثالي

‫أضف إجابة