نظام كثير مهم هو حلقة الوصل بين العجلات و جسم السيارة وهو بعمل على توازن السيارة والمقصوره الداخليه وبحافظ على ثبات السيارة على المنعطفات واللفات وهو بمطص الصدمات من الطريق إلى بتصير عشان الطريق بكون مكسر وبحاول كثير ما توصل للمقصوره الهوائيه.
هسا كيف بشتغل لما يمر العجل فوق حفره الكفه بتخلي العجل يرتفع لحالو عن جسم السيارة وبشكل مستقل عن العجلات الأخرى بحركة بطيئه هسا هاي الحركة البطيئه الي بتعملها ماصات الصدمات و الزنبرك (بسمو نابط حلزوني) المحشوره بين هيكل السيارة والكفه
هسا ماص الصدمات بتكون من جزئين المكبس الجزء العلوي والاسطوانه السفليه( المكان الي بنزل فيه المكبس لما تنرفع الكفه) هسا الاسطوانه هاي بكون جواتها سائل خاص بعمل على ابطاء وممانعة حركة المكبس داخل الاسطوانة هسا لما تتحرك الكفه لفوق بدفع الاسطوانة السفليه فبنضغط السائل الموجود بين جدران الاسطوانة السفليه والمكبس
هسا عشان السائل انضغط بنفتح صمام المكبس فبطلع السائل للمكبس بشكل بطيئ والي بساعد على الحركة البطيئ الزنبرك الي بكون محيط بماص الصدمات
هسا لما تروح الحفره او المطب او اي اشي على الشارع بتصير الاسطوانة ترجع لوضعها الطبيعي بسبب ضغط السائل و بفعل قوة الزنبرك لما يرجع يفتح ووزن الكفه والعجل لما يرجعو الاسفل
هسا هاي العمليه بكون خفف من وصول الصدمة الناتجة عن الاشي الي بشارع لغرفة السيارة و الهيكل

هسا نظام التعليق الأمامي ما بختلف عن النظام الخلفي الا بشغلة وحده وهي طريقة تثبيت الكفه على هيكل السيارة
هسا نظام التعليق بكل عجل مستقل عن العجل الثاني
هسا الزنبرك ( النابط الحلزوني) بستخدم في السيارات الصغيره
اما السيارات الكبيره في اشي اسمو ريش (بسمو نوابط ورقيه) وهي مجموعة من الطبقات المعدنيه الرقيقه بتنحط فوق بعض وبتكون مرنه عشان ترتفع وكمان بتكون مثبته على هيكل السيارة سمو نظام تعليق ثابت لانو العجلات الخلفيه بتكون متصله مع معض ولو واحد تحرك الثاني بتحرك