الثيرموستات
سؤال
ما سبب تأخر الثيرموستات في الفتح في أول ربع ساعة من القيادة بعدما تكون باردة؟ حيث ترتفع حرارة السيارة عن 90 ولاحقاً يفتح الثيرموستات ويعود كل شيء طبيعي حتى لو مشيت 1000 كيلو تبقى الحرارة 90.. المشكلة يومية في الصباح
السيارة: سكودا رابيد 2016 محرك 1.4 TDI
إجابات ( 9 )
صديقي بتخيل هيك الامور طبيعية عندك !!
يعني المحرك في اله درجة حرارة مثالية معينة بشتغل عليها و هي في كثير من السيارات بتكون 90 فعشان هيك بكون الثيرموستات مسكر حتى يرفع حرارة المحرك بشكل اسرع حتى يوصل لاداءه المثالي و ممكن ترتفع عن ال 90 بالاول لانه الثيرموس بكون اله سرعة استجابة معينة للفتح و التسكير حسب اذا كان ميكانيكي (بشتغل اعتمادا على سائل التبريد اللي بمر من خلاله فقط ) او كهروميكانيكي ( sensors and actuators )
طبيعي ، أغلب السيارات الثيرموس بفتح ما بين ٨٥ و ٩٥ .
شو هو الثيرموستات ؟
هي بوابة او صمام بفتح بفعل الحرارة عند وصولها لدرجة معينة اللي بسمحلها تروح على الراديتر للتتبرد وترجع على المحرك
صديقي افضل درجة حرارة لاحتراق الوقود ما بين ال ٨٧ ل ٩٧ اول ما تشغل السيارة بكون مسكر عشان ما يدخل دورة المي ويبرد المحرك بخلي المي بالمحرك عشان ترتفع حرارتو لما ترتفع الحرارة عن ٩٧ كم بزبط ما بعرف حسب برمجة الشركة بفتح الثيرموستات بدخل المي البارده على المحرك و بطلع المي السخنه من المحرك عشان تنخفظ حرارتو للوضع الطبيعي
اما ما شاء الله سيارتك طبيعيه ما فيها خلل وما شاء الله انت بتحكي انو لو قد ما تمشي بتضل ٩٠
شكرا لكم لكن الحرارة بتوصل للخط الاحمر وبتستمر لدقائق باعتقادي في مشكلة حقيقية
ما اظن عندك مشكلة لانو هاد الوضع الطبيعي لكن لكي تتأكد روح افحص الثيرموس اذا كان فيه عطل ام لا
طبيعي الموضوع هذا يصير لأن افضل اداء لمحركات الاحتراق الداخلي يكون بين 85 ال 98 درجة مئوية تقريبًا فالثيرموستات يكون مقفل فالصباح عشان يساعد للوصول الى الرينج هذا وبمجرد زيادة درجة الحرارة عن هذا الرينج يفتح الثيرموستات للسماح للماء بالذهاب للريديتر لتبريده ثم العودة مره اخرى للمحرك وتسمر الدورة على هذا المنوال عشان تحافظ على هذا الرينج
حتى لو بتوصل الحرارة 120؟