السلام عليكم ، عندي استفسار بخصوص الداون بايب و البرمجة، انا عندي E55 amg مركب عليها داون بايب كنت بدي ابرمجها و في ناس قاعده بتحيلي انو مش منيح للمدى ومن هالكلام ف شو الصح و ادا مافي ضرر على السياره شو البرمجه الي ممكن اساويها

سؤال
Mshteiwi 2020-06-28T16:54:07+00:00 5 إجابات عضو جديد
0

إجابات ( 5 )

  1. Oday AlDoabal
    0
    2020-06-28T17:07:50+00:00

    اكيد لازمها برمجة مشان تحصل عالاداء الصحيح ، يعني انت بتغييرك للداون بايب غيرت معادلة الاحتراق بالمحرك والنظام بالسيارة بعدو عم يشتغل عالوضع القديم الاساسي ، فلازم تتبرمج عالمعادلة الحالية لتعطيك افضل اداء ومشان سلامة المحرك ايضا

  2. Moha 20093
    0
    2020-06-28T17:25:07+00:00

    و طالما انت عملت برمجة احترافية فلن تواجه مشاكل باذان الله. و انشاء الله رح تنسى الشغل لمل تسمع الصوت الطربي

  3. Oun Alawamleh
    0
    2020-06-28T19:11:35+00:00

    لأ البرمجة ما الها اضرار بالعكس هي اللي رح تحافظلك على المعادلات انها تكون سليمة وبالتالي المحرك يكون سليم
    وغير هيك لازم تبرمج عشان تاخد الاداء بالكامل وتستفيد منه
    صراحة ما بعرف شو نوع البرمجة لكن انت احكي للمبرمج انو بدك تبرمجها عشان الداون بايب وهو بعرف شو يحطلك

  4. Salah Malakani
    0
    2020-06-28T20:39:08+00:00

    عملت داون بايب وصارت غازات العادم طريقها مفتوح للخروج بس انت ما استفدت شي كبير لازم هلق تلعب لعبتك بالبرمجة منشان تزبط نسب الاحتراق وتاخذ قوة اكبر والغازات اللي رح يطلعو من احتراق المحرك طريقها ممهد مسبقا … الله يعطيك خيرها ويكفيك شرها صديقي
    وطبعا بدك تروح عند ناس مختصة بالبرمجة على حسب منطقتك

  5. AzizSukaiti
    0
    2020-06-29T08:51:07+00:00

    مع تركيب الداون بايب ينصح بالبرمجة لتضبيط الاحتراق في المحرك وضمان أحسن أداء

    لكن لازم تعمل البرمجة في مكان ومركز معروف وشاطر ولازم تراعي حالة المحرك وجاهزيته وتحمله لرفع الأداء والقوة فيه .. مثلا لو المحرك قديم مثلا في سيارتك أتوقع محرك (M113) يعتبر قديم ويحتاج إعادة بناء من الداخل لضمان عدم مصادفة أي مشاكل مستقبلا.

    وحط في الحسبان حالة الجير بوكس وهل بيتحمل القوة الكبيرة بعد التعديل

‫أضف إجابة