انا عندي سيارة مرسيدس e250 موديل 2010 w212 اشعر انو عندي فراغ اول الدعسة يعني اول ما ادعس بنزين بتكون فش استجابة في السيارة بعدها بتجاوب يعني بعد ما تنزل الدعسة 3او 4 سم بتجاوب اما قبل هيك بتكون السيارة واقفة وما في استجابة ارجو الرد من شخص خبير او واجهته المشكلة او شخص لديه نفس السيارة هل لديه نفس المشكلة ام لا وارجو من فريق عرب جي تي الاجابة عن السؤال ملاحظة انا لدي ايضا e220 من نفس الموديل لكن لا تواجه نفس المشكلة وشكرا لكم

سؤال
Mdeek 2021-04-28T10:36:31+00:00 20 إجابة عضو جديد
1

إجابات ( 20 )

  1. Yazeed Salem
    0
    2021-04-28T11:12:16+00:00
    ‫‫هذه الإجابة تم تعديلها.

    صديقي لازم تشيك على حساس البنزين بتكون المشكله منو في الغالب … اتوقع طالعك على التابلو تشيك انجن “check engine”..

    • Mdeek
      1
      2021-04-28T16:56:07+00:00

      تشيك انجن مو ضاوي

      • Yazeed Salem
        0
        2021-04-28T18:59:12+00:00

        صديقي بضوي التشيك انجن لما يتلف الحساس … لكن بحالتك ببدايه خراب انصحك تروح على الميكانيكي قبل ما تطور المشكله … لما يخرب الحساس بتصير السياره ميته و على السرعات العاليه بصير تتناقص سرعه ….

        • Mdeek
          1
          2021-04-28T22:06:44+00:00

          صديقي الدعسة مش بالمرة باولها بس ضعيفة كتير وحابب انوه لشغلة تانية بس ادعس فل السيارة ما بتفرك ولا شي بالك من نفس المشكلة بس لما ادعس فل السيارة بتسرع منيح يعني

          • Yazeed Salem
            0
            2021-04-28T22:27:28+00:00

            نعم على الأغلب حساس البنزين كمان ممكن يكون عندك غبار على حساس الهواء بكون داخل المجرى الفلتر قطعه حديديه رفيعه بسبب تراكم الغبار ممكن تخلي السياره تضعف بالقومه … نظفو بنظف خاص “air sensor cleaner ” هيك اشي اسمو بكون من شركه اسيدلكو وفي شركات ثانيه … وافحصها عن ميكانيكي ممتاز وان شاء الله بيحل المشكله

        • Mdeek
          1
          2021-04-29T13:35:16+00:00

          اخوي شكلو عندك خبرة واسعة بهالمجال شكرا الك

        • Mdeek
          1
          2021-05-01T23:20:43+00:00

          اخوي بدي اسالك ممكن حساس الوقود وحساس الهواء ياثرو ع فرك السيارة وتسارعها ولانو انا معني السيارة تفرك بدون لاطفي لتراكشن كونترول وحسب علمك مرسيدس e250 المفروض عند التسارع من صفر لما تدوس فل تفرك صح يا ريت تجاوب ع كلشي بدي اغلبك

          • Yazeed Salem
            0
            2021-05-02T12:06:10+00:00

            من عيوني اخوي بخدمتك…. هسا شوف حساس الوقود و حساس الفلتر … اذا صار في عطل السياره بصير بشكل ملحوظ بتحسها ميته فش عزم …. اذا سيارتك بتفرك ممكن يكون عندك لتراكشن خربان استبعد هذا الخيار … على الأغلب إطارات السياره ممسوحات “فش فيهم فرزات” … اذا دعست فل فيها بتفرك شيء بسيط جداً … واذا كان التراكشن شغال و اطاراتها جديده ما راح تحس في التفريك راح تحس بفزتها قويه 💪🏼 ان شاء الله اني ما نسيت اجاوب على شيء … وأي سؤال انا بخدمتك ❤️

        • Mdeek
          1
          2021-05-28T01:09:08+00:00

          اخوي سؤال ثاني معلش تحملني هلا ممكن اتساخ حساس الهواء بدون حساس الوقود يعني بس حساس الهواء ياثر على استجابة الدعسة وثانيا اذا كان متسخ هل بيعمل فرق ملحوظ في اداء السيارة عند تنظيفه …….وشكرا

          • Yazeed Salem
            0
            2021-05-28T06:45:25+00:00

            عادي اخوي انا بخدمتك ❤️
            نعم ممكن اتساخ احد الحساسين دون الآخر لكن انا قلتلك عنه حتى تشيك عليهم ممكن تكون المشكله في واحد منهم …. تنظيف حساس الهواء من الاوسخ يفيد جداً لانه عندما يكون متسخ يرسل للكمبيوتر قرائات غير صحيحه فالكمبيوتر يعطي اوامر انه الهواء قليل فتصبح مضخه البنزين ترسل بنزين قليل وهيك السياره تحسها ثقيله وفش فيها قوه وعزم …
            صديقي هاد الرابط يوضح لك المشكله انسخ الرابط واحضرو وان شاء الله راح تفهمني https://youtu.be/FPBxjWBXOc4

        • Mdeek
          1
          2021-05-28T13:42:25+00:00

          طيب اخوي بس للاستفسار حساس البنزين بتنظف ولا بس تبديل وشكرا جزيلا الك ما قصرت يسلمو كثير ❤️❤️❤️

          • Yazeed Salem
            0
            2021-05-28T13:59:51+00:00

            ولله على حسب علمي اخوي يتبدل حساس البنزين … العفو اخوي واجبنا ❤️ وان شاء الله اكون ما قصرت معك … بنسبه للفيديو إحضرو كامل واسمع الحكي الي يحكيه الزلمه راح تستفيد وسبب المشكله تبعتو كانت فقط حساس الهواء متسخ فأثر على قرأت الكمبيوتر … بالتوفيق لك وأي سؤال عندك انا بخدمتك ❤️

        • Mdeek
          1
          2021-05-28T13:46:33+00:00

          وكمان اخوي حابب احكيلك انو عندي نفس المشكلة الي بالفيديو تماما.

          • Yazeed Salem
            0
            2021-05-28T14:01:58+00:00

            صحيح لا تغير اي قطعه قبل فحصها ممكن ما تكون منها المشكله انت روح عند ميكانيكي شاطر وقلو يشبك الكمبيوتر تبعو على السياره ويشوف شو المشاكل الي طالعه عندو ويتأكد من القطع وسبب المشكله…

    • Mdeek
      1
      2021-05-28T15:30:12+00:00

      اخوي شكرا جزيلا ما قصرت ابدا يسلمو ايديك

      • Yazeed Salem
        0
        2021-05-28T15:34:05+00:00

        العفو أخوي واجبنا ❤️

        • Mdeek
          1
          2021-05-28T18:20:16+00:00

          اخوي تنصحني انظف الثروتل ؟؟؟ ولا ما بلزم حسب ما شرحتلك القصة الها علاقة فيه شو انتا بتنصحني بس حساس الهواء ولا كمان الثروتل وشو الاحسن

          • Yazeed Salem
            0
            2021-05-28T19:53:06+00:00

            ولله مش غلط انت شيك عليه بس اهم اشي ما تحرك البوابه بإيدك عشان ما يصير في خطأ بالكمبيوتر وتصي. تحتاج برمجه ونظفو بمنظف خاص “Throtel cleaner” تكون من شركه اسيدلكو او شركات اخرى تصنعو … وروح عند ميكانيكي خليه يفحص سيارتك من الكمبيوتر تبعو بطلعلو كل مشكله بالسياره وشو لازم تغير … بنصحك تعمل هيك لانو ممكن يكون ما عندك مشكله بس تحتاج سفت وير للكمبيوتر لذلك اهم اشي تروح عن الميكانيكي او حدا عندو كمبيوتر الفحص عشان تعرف المشكله بزبط … لكن لا يضر تنظيف حساس الهواء والثروتل 👍🏼

‫أضف إجابة