ايش اكثر ٣ اشاعات او معلومات مغلوطه تستفزكم وودكم تختفي من عالم السيارات ؟

سؤال
Athena 2021-08-15T16:34:52+00:00 1 إجابة عضو برونزي
0

إجابة ( 1 )

  1. Wardkhateeb
    1
    2021-08-16T10:05:15+00:00

    مبدئياً بهنيك على السؤال الجميل، اعطيتني فرصة افضفض عن الاشياء المستفزة😂😂👌😂

    1. من اكثر الاقوال الي بتستفزني بعالم السيارات لما الناس يسيرو يفتو و يقولو انو موجود منافسين للمرسيدس G كلاس مثل لكزس LX او الرانج روفر، و هاد الاشي جداً خاطئ و بعيد كل البعد عن الصحة ، اللكزس LX سيارة عائلية بسبع مقاعد بتنافس سيارات مثل لينكون نافيجيتور او انفنتي qx80 او كاديلاك اسكاليد و الى آخره اما الجي كلاس بعيدة كل البعد عن هاي الفئة و هي سيارة اوفرود بطابع مرتفع من الفخامة و بشكل مميز مع خمس مقاعد و حتى اللحظة الجي كلاس منفردة بالفئة و ما الها منافسين. و ما بعرف كيف الناس طلعت هالحكي و بتقول انو السيارتين بينافسو بعض، هاد الحكي خاطئ جداً و ايضاً في ناس بيقولو انو الجي كلاس تنافس الرانج روفر ڤوچ و هاد ايضاً غلط، الرانج فئة ثالثة و هي من سيارات ال SUV الفارهة الفاخرة جداً و تنافس الرولز رويس كولينان و بينتلي بينتايجا و مرسيدس GLS مايباخ. اما الجي كلاس مثل ما قلنا ما الها منافسين و لا تقارن مع احد

    2. في شغلة مستفزة بيعملوها الناس الي ما كثير بيفهمو بالسيارات، و هي انهم بيفكرو شركات مثل فيراري او لامبورجيني بيصنعو سيارة وحدة فقط مو شركة و عندها عدد كبير من السيارات و الفئات المختلفة، و هات فهمهم انو في شركة اسمها فيراري او لامبورجيني و انو في سيارات مختلفة لالهم مثل الافنتادور او هوراكان او بورتوفينو او 488 و غيرها

    3. في شغلة ايضاً بيعتقدوها و مصممين عليها الناس الي ما كثير بيفهمو بالسيارات، انو لقب اسرع سيارة بالعالم مسلم به للبوغاتي، لما تسال اي حدا ما هي اسرع سيارة بالعالم، مباشرةً رح يقولك بوغاتي بدون ما يكون قارئ او فاحص عن الموضوع، طبعاً انا ما بقلل من شأن بوغاتي و حالياً فعلاً هي اسرع سيارة في العالم مع طراز تشيرون سوبر سبورت، و لٰكن هاد الاشي مو دائم و في منافسين شرسين جداً على هاد اللقب مثل كوينيكسج و هينيسي و غيرها و لطالما حققو الارقام القياسية لكونهن صنعو اسرع سيارة في العالم و لٰكن مع هيك الناس مفكرين انو بوغاتي مند ظهورها و هي اسرع سيارة في العالم و ما حدا بينافسها على هاد اللقب و انو اللقب مسلم لالها. (دون التقليل من شأن بوغاتي مثل ما قلت)

    و طبعاً بعد في امور مستفزة و لٰكن بما انك طالب 3 فقط فمنخليها لمرة ثانية😂😂🤦

‫أضف إجابة