بخصوص اختلاف مواصفات السيارات بين الأسواق العالمية، فالشباب جاوبوا على الاختلاف بالاوبشينز وهالشي مفهوم، ولكن السؤال الأهم الي نسيو يجاوبو عليه شو سبب إختلاف الشكل؟ مثال على ذلك الصورة المرفقة سيارة هوندا أكورد موديل 2013 شكلها بأوروبا مختلف تماما عن شكلها بأميركا وآسيا!
سؤال
إجابات ( 7 )
الصورة بشكل أوضح:
المرفقات
فعلا معك حق ، وحتى انا كمان كنت منتظر الجواب بهالخصوص هذا بس شكلو نسيو صيغة السؤال لما تعمقو بالموضوع ،، اعتقد وبعد ما سمعت منهم انو لازم يعملو السيارة بشكل افخم واجمل ولمسات كروم واضاءة ليد وحركات لتقدر تنافس ، اما بالأسواق العادية يعني رح تكون شكل السيارة البسيط بمستوى المنافسة وبمستوى القدرة الشرائية للشعب ، يعني تجي تقلي شخص عربي قدرته الشرائية مثل شخص امريكي او كندي؟؟ مستحيل هذا تفسيري الشخصي وما بعرف اذا صاب او خاب😅
على حسب نسبة جمال بنات البلد إذا حلوين بيعملو السيارة حلوة. 😂😂
اي أخي ما اختلفنا، بس مو منطق تعمل شركة هوندا هالقصة المفشكلة من أكورد لدول اوروبا وبالأخص الاتحاد الأوروبي يلي يعتبر موطن التصاميم الجميلة والسيارات الفخمة والقدرة الشرائية للرفد فيه عالية جدا!
وبالمناسبة سعر هالأكورد مو رخيص يعني نسبيا نفس سعر الأكورد بالشرق الأوسط! ياخي والله كل ما شوفها بنقهر وكنت اتمنى لو فيه من قصة الشرق الأوسط وأميركا هون بدل هالقصة الموجودة لأشتريها كوني من عشاق الأكورد بالتحديد قبل ما اقلب عالأودي مشان ما يصير فيه فراغ عاطفي! 😅
مقهووور والله وزادولي قهري وقت نسيو يجاوبو عن هالسؤال! 🤣
والله مش عارف شو قلك 😅 المشكلة كلامك مدوزن ولا غلطة ،، ممكن سبب ثاني مثلا انو استهلاك السيارات بأميركا اكثر يعني الفرد ببدل سيارتو كل فترة وفترة وبالغالب قصيرة ، ناهيك عن السيارات الي تتلف بسبب الفياضانات والحوادث الكثيرة والحجز الامني وهالقصص الكثيرة ، يعني حركة سوق السيارات سريعة ونشيطة دائما عندهم ف لازم يقدمو افضل مستوى ليرتقوا بالمنتج لمستوى المنافسة ، عكس مثلا السوق بسوريا مثلا وما بدو مين يعرفك عالسوق السوري ، السيارة بتتورث من الاجداد لاحفاد الاحفاد 😂💔 او مثل راي الاخ فوق وجهة نظر حلوة 😂😅😅
انا يلي بعرف السوق بسوريا.. سابا ولادا وتاتا وجدو والله بيعين 😅😅
يلا بلكي منلاقي اجابة شافية من الشباب بالحلقة القادمة من دردشة.
اتمنى فريق عرب جيتي يجابو سؤالك لانه حتى انا محيرني