سؤالي هل تختلف صرفية البنزين من اوكتان ل اوكتان

سؤال

يعني مثلا سيارة تمسي فيها خط والسيارة بنزين91 هل يفرق الصرفيه لو تبرمج و تعبي95 وتمشي نفس الممشى ب البنزين اللي قبل

Yousef Alhamdan 2020-10-07T05:00:00+00:00 5 إجابات بلاتينوم
0

إجابات ( 5 )

  1. belal briman
    0
    2020-10-07T07:19:37+00:00

    طبعاً يفرق صرفية البازين لانو عملية الاحتراق رح تكون احسن و جودة اعلى ف و نسبة الأكتان عالية ف ما رح تستخدم نفس كمية البانزين للأكتان القليل

  2. Zeyad Nashat
    0
    2020-10-07T09:38:50+00:00

    نعم تختلف لان التفاعلات الكيميائية في البنزين 91 تختلف عن التفاعلات الكيميائية في بنزين 95 حيث انا وظيفة الاوكتان يستخدم في تقييم البنزين (الذي يستخدم في محركات الاحتراق الداخلي في السيارات)
    وكلما قل عدد الاوكتان كلما احترق الوقود داخل المحرك مبكر

  3. Tamer Azzam
    0
    2020-10-07T12:24:26+00:00

    نعم يختلف المصروف بس مش هلفرق

  4. E-Obada Nova
    1
    2020-10-07T13:02:54+00:00

    شوف لح اعطيك من الاخر وعن تجربة الاوكتان الاعلى ليس دائما يعني القوة الاعلى حتى لو برمجت لان الشغلة مو بس برمجة يعني هاد المحرك كومبرشن 9.2 خلص هاد حدو اذا حطيتله 87 اوكتان اكيد لح يكون مييت وضعيف وكله مشاكل بينما لو رفعت الاوكتان ل91 لح تلاحظ فرق كبييير لان هو اساسا الاوكتان الموصى له
    بينما انت منوالاساس بتحط 91 وجيت عبيت 95 مايحتاج مالح تحس بشي ابدا وكمان من ناحية الصرفية اذا السيارة موصى لها 91 وانت بتعبيها 87 لح تكون صرفيتها سيئة جدا وفوتها معدومة لح تكون Lean بينما لو انت اساسا بتعبي 91 وصرفيتها مثلا 150 هيي باحسن حالاتها وعبيت 95 ممكن تلاحظ فرف في الصرفية لكن قليل جدا جدا جدا لا تكاد تشعر به والسبب بالفرق انو الاحتراق ارتفعت جودته وصارت السيارة تتجاوب افضل لهيك انت ماعاد بحاجة انك تدعش اكثر وبالتالي حسيت بفرق الصرفية
    هلق بالنسبة الى عنا بسوريا البنزين زبالة بمعنى الكلمة وبدي سيارتي تكون قوية وبنفس الوقت مو باي ةقت بحسن امن بنزين نظيف لهيك اضطريت اني ساوي مابين احتراق
    محرك سيارتي كومرشن 10.7:1 تنفس طبيعي يعني بدي اوكتان 98 لامشي على هيك كومبرشن واذا بدي نزل كومبرش لاتماشى مع وضع البترول عنا بدي فك الهيد ووسع شوي الكومبستشن تشامبر او بدي بدل لبساتن لو كومبرشن واكيد مالح ساوي هيك والحل كان برمجتين وحدة بمشي عليها اوكتان 87 واقل يمكن😥 بس السيارة بتكون ميتة نهائيا يعني محرك V8 5400cc وبنزل 194 حصان عالدواليب تخيل💔 طبعا مشان السيفتي والrpm ما بتجاوز ال3000 حتى لو كنت داعس فل والماب الثاني بنزين 95+E10 بتكون بعز قوتها 414 حصان عالعجلات بكون الrpm حوالي ال5800-6000 الفكرة انو لما الوقود يكون فقير وضعيف الماب الاول بكون التايمينع ماخر والشرارة ما بتطلع لبعد ما يوصل المكبس للنقطة المية العليا وينزل 7 درجات وطبعا بكون بلش يفتح صباب الاكزوست بالتالي بروح الضغط وبكون الكومبرشن حوالي ال9.0 او 8.9 لهيك ما بينكسر المكبس والبنزين سيء اما الماب الثاني الشرارة بتخرج قبل النقطة الميتة العليا ب 14 درجة وبالتالي بكون الاحتراق قوي جدا لكن الكومبرشن مو 10.7:1 بكون 10.4:1 تخيل 95+E10 ولسا ما حاسن اوصل للقوة العظمى لو متوفر عنا بنزين اعلى او فيني حط ايثانول بنسبة اكبر كان زبط بس حاليا مافي امكانية
    بالنسبة للصرفيتين الاولى السيارة بتمشي 60 كيلو متر بال20 لتر على بنزين 87 لان متل ما بتعرف الاوكتان هو مقاومة البنزين للاحتراق بتكون معدومة المقاومة لهيك بطير بسرعة وبتصرف كتير السيارة اما على الماب الثاني بتمشي حوالي ال130 كيلو بال 20 لتى صراحة مو متاكد كتير لان مابعيير بس تقريبا هيك يعني هون الاوكتان الو فائدة لان كومبرشن عالي اما اذا سيارتك كومبرشن يعني مقبول مالح تستفيد من الاوكتان العالي حتى لو برمجت لان هيي باعلى كومبرشن الها بتاخد مثلا 91 مالح تتحسن الصرفية ولا لح تزيد القوة
    بالنهاية قرارك بس حبيت انصحك لان ممكن تتكلف كتير على هيك موضوع وما تستفيد ابدا

  5. Oday AlDoabal
    1
    2020-10-07T17:34:13+00:00

    صديقي كل ما كان الاوكتان اعلى كان الانفجار اقوى ، اسرع بالاشتعال، انضف ، يسحب اكثر ،،، نعم يسحب اكثر لانو اولا اخف ف قابل للتطاير اكثر وثانيا لما تزيد سرعة حرق الوقود صار عندك معدل انفجارات اكثر بالدقيقة يعني كمية اكثر ،، للتبسيط مثال صغير ، يعني افرض محرك بيحرق بنزين 91 ، 100 مرة بالدقيقة ، لما تحط ريس فيول مثلا وتبرمج رح يصير سرعة الاحتراق اسرع يعني ممكن يصير عندك 150 انفجار بالدقيقة ( مثلا) ف يؤدي لسحب بنزين اكثر ومصروف اعلى

‫أضف إجابة