سؤال لكريم عن الكابوس
سؤال
بآخر مرة طلع فيها كريم بالكورفيت الكابوس عالحلبة انقطع معه سير المكينة و السيارة رفعت حرارة. حسب خبرتي المتواضعة في هكذا حالة بيتعرض المحرك لتلف كبير لانو بتبقى بعض الصبابات مفتوحة و بيضرب البيستن بالصباب و بتضرب المكينة كلها. لكن كريم بسّط الامور بشكل كبير و قال انو المشكلة بسيطة و مو بهالخطورة الزايدة.
سؤال حيرني من زمان و ارجو الاجابة عليه، و يفضل من كريم نفسه. شكراً
إجابات ( 2 )
لا لا اخوي انت فاهم الموضوع غلط.
السير يلي انت بتتلم عنو هذا اسمو حزام الصدر او جنزير الصدر او يلي بدك ياه حسب بلدك, وهاد الجنزير بيكون داخل المحرك وبيربط عامود الكرنك بأعمده الكامات, وغالباً بيكون مصنوع من الحديد لتفادي تمزقه.
اما يلي انقطع مع كريم فهذا الحزام الخارجي وما ممكن يسوي هالامور يلي انت ذكرتها.
معناها حسب ما فهمت السير يلي انقطع غير سير الصدر، و لكن مربوط بال water pump لذلك رفعت السيارة حرارة