شباب ايش رايكو لو شركة رولز رويس قامت بصنع سيارة رولز رويس كهربائية بالكامل
التصويت
من فضلك قم بتسجيل الدخول، الأعضاء فقط من يمكنهم التصويت ومشاهدة النتائج.
هل رح تنجح الفكرة حسب رأيكوا ولا لأ.
سجل الآن
أهلا بك في عائلة عرب جي تي ، يرجى تسجيل حسابك في الأسفل
إجابات ( 9 )
مع الإقتراح، وأظن أن شركة رولز رويس أيضًا كذلك كون السيارات الكهربائية هي مستقبل السيارات وعليها ألا تتخلف عن ذلك، كما أن عملاء الشركة لن يكون لديهم أي اعتراض كونهم يهمهم الانتقال برفاهية عالية سواء كان ذلك بمحرك احتراق أو محركات كهربائية، هذا ناهيك عن أن السيارات الكهربائية هي أقل ضجيجًا وهذا مهم في السيارات الفارهة وخصوصًا رولز رويس.
لكن طبعًا سيكون مشروع كهذا تحديًا هندسيًا للشركة لأن طبيعة سياراتهم من ناحية مستوى الرفاهية والفخامة العالي تجعل من وزنها ثقيلًا جدًا وهذه مشكلة في السيارات الكهربائية التي يجب أن تكون أخف مايمكن لتحقق أعلى مدة سير بشحة واحدة، أتوقع أننا سنرى سيارة رولز رويس هجينة في البداية قبل أن يطلقوا سيارة كهربائية.
اعتقد لو عملت سياره كهربائية راح تنقص فخامته
انا ضد الاقتراح لان السيارات الكهربائيه لازمها مده زمنيه طويله لبين ما تشحن بلنسبه للطرقات والمسافات وهذا الشي راح ياثر سلباً على سمعت العملاق للرفاهيه بسيارات الروز رويز
اشياء الفخامة برولس رويس كثيرة و حتوخذ من طاقة البطارية كثير و هاظ الاشي رح يقلل من المسافة الي حتقطعها السيارة و كمان انسيابية السيارة ابدا ما بتساعد بتوفير الطاقة
او انه الشركة تقلل من مواصفاتها مقابل تمشي مسافة اكبر ( طبعا اشي مستحيل من رولس رويس تعمل هيك )
عدا عن انه وزن السيارة رح يزيد بشكل كبير بسبب البطاريات فرح تحتاج اطارات و نظام تعليق افضل عشان تتحمل الوزن
بس الاشي الايجابي انها رح تصير أكثر هدوء عشان فش محرك بنزين
فخلاصة الموضوع ( من وجهة نظري و بناءا عالحكي الي فوق )
نجاح السيارة رح يعتمد على مستخدمين الرولس رويس
اذا هم بسيارات البنزين بستخدموها لمسافات طويلة فما رح تنجح
و اذا بستخدموها لمسافات قصيرة ممكن تعمل نجاح قوي
متل ما قالوا الشباب انو رولز رويس بتتميز بمواصفاتها الكتيرة يعني بالمختصر (بتستهلك طاقة البطارية بسرعة) لهيك ممكن انو السيارة ما تقطع مسافة طويلة و من جهة تانية وزن سيارات رولز رويس تقيل جدا و وقت نضيف بطاريات كمان حيكون الوزن عملاق… ما بعتقد انو المشروع حينجح
بصراحة اخواني لو بدهم يصنعو سيارة رولس رويس كهربائية بالكامل مداها طويل ما راح توقف عليهم بالاخر هما شركة عملاقة و عندها امكانيات كبيرة بس ما اظن انها راح تحدث فرق لانو المشتري رولس رويس ما راح يكون يهمو سعر الوقود او تكلفة الصيانة
أتفق معك، لكن الموضوع مازال يشكل تحديًا هندسيًا صعبًا بالنسبة للشركة بما أنها ستكون السيارة الكهربائية الأولى لها وليس أي سيارة؛ فسيارتها فانتوم بالخصوص تعتبر قصرًا متنقلًا، شركات كبيرة تطلب منها الأمر سنوات من البحث والتطوير وإنفاق ميزانية كبيرة لانتاج سيارتها الكهربائية الأولى مثل شركة بورشه وسيارتها تايكن.
وأتفق معك أيضًا في أن شركة رولز رويس لو فكرت في طرح سيارة كهربائية فإن ذلك لن يكون لأجل تكلفة الوقود والصيانة الأقل بالنسبة للعميل لأن ذلك لن يشكل أهمية لنوعية عملائها، لكن الاتجاه نحو سيارة كهربائية ضروري من ناحية مواكبة التطور في سوق السيارات وإلا سوف تصبح متخلفة فيه.
الان السيارات الكهربائيه ناجحه جدا
للأسف هاد المستقبل وأكيد مع المستقبل رح بتشوف شركة رولز رويس عاملة سيارة كهربائية بالكامل والموضوع موضوع وقت لأنو التوجه للكهربا بعالم السيارات ومفي أستثنائات بهاد الموضوع لأي شركة الموضوع بلش تدريجيا بعالم السيارات الأنتقال للهايبرد وشوي شوي للكهربا بالكامل والموضوع مرح بكون صعب عشركة رولز رويس أبدا لأنو رولزرويس مملوكة ل شركة BMW ومحركاتا صنع BMW وشركة BMW هية من أقوى وأوائل الشركات يلي دخلت بعالم سيارات الكهربا والهايبرد وحاطة كل ثقلا بمحركات الكهربا المستقبلية منا لهيك أكيد رولزرويس رح تمشي عخطى الشركة الأم بس بتوقع أنو شركة رولز رويس تحاول تحافظ عمحركات البانزين 12 سلندر حتا آخر نفس يعني ممكن تكون من أواخر الشركات يلي تستغنى عن محركاتا وتتجه للهايبرد والكهربا الموضوع موضوع وقت فقط