شو رايكم في المحركات الجديدة اللي طلعت بدون كام شافت زي محركات الكوينقسيج جيميرا واللي يقولو انها بدون الكامات تطلع قوة اكثر ب 30% وتوفر وقود وانو استبدالها بمحركات كهربائية عالية الاداء يزيد ويحسن الاداء ويوفر بنزين فهل له سلبيات ام انه الافضل ؟
سؤال
إجابات ( 5 )
ما سمعت عن الموضوع انه بدون كام شافت
ولكن بشكل عام محركات الكهرباء كفاءتها اعلى من كفاءة محرك الوقود ولما يكون فيه محرك كهرباء يدعم محرك الوقود بكون الاداء افضل بكثير
امثلة ذلك بورش 918 و الجميرا
لا انت مافهمتني هو يبدل الكام شافت بمحركات صغيرة كهربائية عالية الاداء
بتفتح اسرع وبتكون اكثر دقة عشان كذا تكون افضل واوفر
بصراحة لحد اسا مش عارف كيف آلية عملهم ، كيف ممكن يكونو افضل من الكامشفتات العادية، بس اكيد شي من الشركة المبدعة والخارقة كوانغسيغ رح يكون خاضع لمليون اختبار لآخذ الموافقة باستخدامه على سيارة ميغا كار الفئة التي تعتبر اعلى من الهايبر كار!!!! اكيد تقنية ابداعية ومتطورة عن باقي العالم
هي وجهات نظر و اسواق اكيد هي اوفر بالبنزين و بتعطي قوة للمحرك و بتوفر كتير من القطع الحديدية من المحرك مثل البكرات و جنزير الصدر و عامود و لح يصير حجم المحرك اصغر و اخف و بالنسبة للاستجابة بالدعسة اكيد لح يكون احسن لان بيصير ممكن يفتح الفالف بشكل اكبر من العادي ف بيدخل كمية هواء اكبر و بيعطيك قوة اكبر و بالمشي بالخطوط بيصير بيفتح اقل ف بيدخل هواء اقل و هاد بيعني وقود اقل هاد بيعني ان لح يوفر بالبنزين….
ولكن هل هاد بيعني انو هو احسن من عامود الكام ما منعرف لسا لسا ما شفنا اسعار السيارات اديش لح تنزل و اذا أغلى بكتير و ما عرفنا لسا اعطالو و سعر قطع غيارو
انا بنظري انه مش عملي على السيارات العادية والاستخدام اليومي اللي بتمشي مسافات كبيرة
هذا المحرك مناسب لسيارة رياضية بهمهم الوزن والقوة وهذي السيارات ما بتمشي مسافات كبير واللي بيشتريها ما بيهمه تكلفة الصيانة
وشركة كوينجسيج بيهمها انه تبين نفسها انها بتخترع وبتشتغل وبتصنع تقنيات
يعني انت تخيل انه يصير مشكلة بنظام الهايدروليك او باحد اسلاك الكمبيوتر والحساسات
وبعدين انت على السيارات العادية او حتى الرياضية المتوسطة السعر ما بيهمك القوة فقط بيهمك الاعتمادية واسعار وسهولة الصيانة واذا محتاج قوة ركب تيربو وشوية تعديلات تطلع جاهز