ما الهدف من الرول ريس أو ما أكثر عامل يلعب دور فيه؟
سؤال
يعطيكم العافية.. بالرول ريس ليش بخلي السيارة تنطلق مثلًا مرة من ٤٠ ومرة من٨٠؟ ايش اللي بختلف بالزبط؟ وبما أنه السائقين مختلفين كيف رح يكون في عدل بالوصول لسرعة ٤٠؟ وهل الرول ريس بلعب فيه عامل معين أكتر من غيره؟ (لو نحط تبديل القير على جنب) وشو بختلف عن لما أنطلق من سرعة صفر بالدراغ ريس؟ هناك التورك بأثر أكتر؟.. آسفة السؤال طويل بس يا رب تكون الصورة وصلت😅
إجابات ( 5 )
عادي بس عشان يشوفوا فرق قوة السيارة والاداء
الرول ريس يعتمد على العزم اكثر من الاحصنة و الدفع الخلفي افضل من الرباعي و القومة من صفر بتكون الافضلية للدفع الرباعي و عدد الاحصنة
عدد الاحصنة
الدفع الخلفي
الوزن الاقل
اما النيوتن متر اهم بالانطلاقة مش بال رول ريس
لان الانطلاقة من صفر تتسب بالWheel spin او ان العجل يفرك بمكانه مما يسبب اهدار للطاقة بينما الدوسة من الماشي لو كانت ٢٠ ولو كانت ٤٠ ولو كانت ٨٠ كلو واحد السيارة ماشية وقامت مالح يصير في ويل سبين ولا لح تخسر قوة مثل لو قمت من الصفر
هسا لما يبلش من صفر الي بقوم السيارة عزم الدوران لا احصنة ولا قوة والأفضلية بتكون لسيارة الدفع الرباعي لانو الاربع عجال بلفو و بانطلق السيارة بدون ما يعملو سبين العجين الي ورا (يفرقو بمكانهم) زي الدفع الخلفي
بعد ما تمشي السيارة من الصفر الي بعمل على تسارعها واستمرارها بالمشي الي هو الاحصنة والقوة هون بكون الهم دور هسا الدفع الخلفي هون بكون افضل من الرباعي لانو الي بلفو بس عجلين بتكون مقاومة الأرض بس عليهم اما بالرباعي عشان أربعة بلفو بتكون المقاومة عليه الأربعة
هسا العوامل كل اشي الو دور
١ الوزن
٢ القوة وعزم الدوران
٣ وزن الشخص الي بسيارة😜وردت فعلو عند التقويم ممكن تأثر اذا رجع لورا كثير او قدم لقدام
٤ خزان الوقود اذا كان فل او فاضي لانو برضو وزن
هسا من ناحية العدل عشان لما يوصلو الاثنين لسرعة معينه ما همه كانو واقفين جنب بعض وبمشو جنب بعض لما يوصلو ل ٤٠ او ٨٠ بزمرو ٣ مرات وبدوسو بعديها