ما هو الأفضل تيربو او سوبرشارج من دون تعديل ؟

سؤال
Ahmad ezzedine 2020-09-01T20:42:04+00:00 3 إجابات عضو جديد
0

إجابات ( 3 )

  1. Bassam Abu Ali
    0
    2020-09-01T23:53:11+00:00

    هسا عشان تطلع احصنة عاليه على التعديل طبعا التيربو اما انت بتحكي بدون تعديل يعني بدك اشي بحدود المعقول اختار السوبر

  2. ahmadismael
    0
    2020-09-02T00:07:17+00:00
    ‫‫هذه الإجابة تم تعديلها.

    كل واحد ألو ميزاتو السوبر تشارج موصول على المحرك بشكل مباشر عن طريق بكرة موصولة بالقشاط الخارجي وبكرات المحرك ميزاتو أنو عند دوران المحرك رح بدور معو فورا ويبلش يسحب هوا خارجي ويضخو جوا غرفة الأحتراق وبالتالي السوبر وقت تدعس رح يتجاوب معك فورا ويضخ الهوا فورا جوا غرفة الإحتراق لهيك مفي شي أسمو لاج بالسوبر بالإضافة لأنو عمرو أطول من التيربو السيئات أنو السوبر موصول عالمحرك مباشرة يعني في عبئ عالمحرك لأنو السوبر حتا يدور بيسحب هورس بور من المحرك كونو مربوط في بشكل دائم وهاد الشي غير أنو رح ياخد أحصنة من المحرك رح بزيد بصرفية الوقود يعني السوبر غير أقتصادي أما التيربو ففكرتو أزكى بكتير وهية أستغلال الهواء الساخن الخارج من الأكزوزت وتحويلو لقوة عن طريق التيربو لموصول بالأكزوست بشكل مباشر التيربو في مروحتين موصولين ببعض عن طريق محور يعني بيبرمو مع بعض مروحة للهواء الساخن ومروحة لسحب الهواء البارد من الخارج بيدخل الهوا السخن بالمروحة الأولى بتدور نتيجة ارتباط المروحة الثانية فيا بتدور كمان وبتسحب هوا بارد من الخارج وبترجع بتضخو جوا غرفة الإحتراق الميزات تحويل الهواء الساخن لطالع من الاكزوست ويلي مالو فائدة لقوة أحصنة إضافية بالاضافة لأنو ماألو علاقة بالمحرك ولا بحملو أي عبئ وبالتالي عدد أحصنة كبير والتيربو بساعد على توفير البترول السيئات مايعرف بالتيربو لاج نتيجة أنو لما تدوس بدو يصير أحتراق نتيجة هالإحتراق بيطلع الهوا الساخن من الأكزوز وبتصير باقي العملية فبدا وقت والتيربو عمرو أقل من السوبر وبرأي الشخصي التيربو أفضل من السوبر بمراحل وخصوصا عند الألمان يلي قضو عشي أسمو لاج بتقنية ال hot inside v يعني التيربوهات مربوطين بالمحرك بشكل مباشر ودورة الهوا قصيرة كتير سامحني إني طولت بس الجواب بهاد الموضوع بالذات بدو شرح حتا تعرف كلشي عن التنين

  3. E-Obada Nova
    0
    2020-09-02T10:26:15+00:00

    اولا حءب شو المحرك ثانيا لنفترض بدون تعديل
    انا تجربتي الشخصية كان عندي محرك مرسيدس M104 قوتو بحدود ال 287hp على 5800rpm المحرك بنظري ضعيف بدي قويه لذلك يحتاج بوست احسنت افتح 0.9 bar على الانتيرنالز الستوك ما انكسر ولا شي بس كنت مضطر سويلو خلطة 98 و Ethanol E10 مع tune والموضع مكلف لان انا بدي قويه هو اساسو مو قوي طلعت الفوة الحصانية مع بخاخات 1000cc وثروتل وانتيك معدل 330+bhp على 6200Rpm
    بدي قوة اكبر بدي فك وعدل اقوى ونزل كومبريشن لان كومبريشن 9.2 ممكن جدا انو يكسر بدون سابق انذار
    بينمت عندب محرك V8 LT1 350 هو بالاساس قوي 370bhp على 5300Rpm
    لكن تسارع الثروتل شوي متاخر فبركب سوبر لان انا ما بدي طالع قوة انا بدي تسارع وبوست قليل 0.47 لا خوف ابدا والكومبرشن معقول 10.1
    بخاخات ستوك tune صغير مع الغاء الmaf طالع 394.5 bhp على 6500rpm و بنزين 91 وتسارع جبار للrpm الهدف كان التسارع مو زيادة القوة لكن زادت شي معقول وبسيط بس اذا انت ما عندك اساس قوي وبدك تقوي تيربو
    اما عندك قوة بدك تسارع سوبر

‫أضف إجابة