محركات الديزل(سولار)
سؤال
اول شي انا بشكر فريق عرب جي تي على مجهودكم وشغلكم الجبار بمواضيع السيارات من كل شي صراحة
ثانيا انا بمتلك سيارة محرك ديزل بصراحة السبب فقط في اسعار البترول ببلدي
انا اسف طولت عليكم بالسؤال :
كيف ممكن احافظ قدر الامكان على سلامة ماكينة الديزل من ناحية وهل في امور لازم اخلى بالي منها اكثر من غيرها قصدي بيختلف عن لما يكون عندي ماكينة بنزين ( لعلم انا عندي سيارة من نوع Skoda rapid 1.6 TDI 2013).
وشكرا
إجابات ( 5 )
حاول تعمل ديزل و زيت ذو جودة عالية و صيانة كل فتره و فتره و اذا كان الجير اوتوماتيك لا تخلي ايدك مركية عليه و اذا كان الجير عادي بس غير السرعة و ماتخلي يدك مركية عليه
اهم اشي لا اتضل اتشد على السيارة عشان التيربو
حمي السيارة وقت الصبح
قبل ما تطفي السيارة استنى على التيربو يبرد من دقيقة ل 3 حسب مشوارك
غير زيت مع فلتر الزيت لانه في ناس كل غيارين زيت بيغير فلتر مرة
اخي حافظ على صياناتها الدورية بورشات محترمة وخلي قيادتك هادية وعقلانية وتوكل على الله وامشي.. بصورة عامة محركات الديزل عمرها الأفتراضي أطول من محركات البينزين وجودة القطع فيها أعلى وتتحمل أكثر من محركات البينزين وبالأخص سيارات VW Group الي من بينهم سكودا.. ولكن بغض النظر عن المحرك ان كان ديزل أو بينزين، طول ما انك محافظ على السيارة وصياناتها وزيوتها المنصوح بها وما أحد يسوقها غيرك فالسيارة بتريحك وبتحافظ على فلوسك 😅
شوف غير الزيوت والفلاتر دايما كل ماتغير زيت غير فلتر الزيت وغير فلاتر الديزل وماتخلي السيارة تفضى تنك الديزل حاول ماتخلي ساعة الديزل تضوي والديزل بيتحمل اكتر من البنزين بس غير الفلاتر بموعدها وحافظ عليها واذا خرب شي صلح
أخي مابتوقع انو هالشي بيأثر على سيارة الديزل اذا شعل ضو الوقود.. أنا صرلي 8 سنين ما بركب غير سيارات ديزل، وبعمري ما عبيت وقود الا بعد ما يفضى التانكي، ولا عمرو صار معي مشكلة أو عطل بسبب هالنقطة! وأصلا الشي الطبيعي انو فلتر الديزل يتبدل بعد مسافة مقطوعة معينة على حسب السيارة وهالشي بيكون مذكور بجدول صيانات السيارة ايمتا لازم يتبدل فلتر الديزل ولهالسبب المالك الي بيحافظ على الصيانات الدورية فموضوع انو يفضى التانكي شي جدا طبيعي وما بيأثر على السيارة.