هل BMW مشاكل المحراك اكثر من المرسيدس بشكل عام. بتمنى تجاوب على سؤال تحياتي الك من سوريا

سؤال
feras rahmo 2020-04-25T08:10:02+00:00 5 إجابات عضو جديد
0

إجابات ( 5 )

  1. Arch.mohammedhammad
    0
    2020-04-25T10:37:14+00:00

    السلام عليكم.
    لا يمكن الحكم على كمية الخلل بناء على المصنع أو الماركة.
    الشركات اللي ذكرتها بتبذل قصارى جهدها لتكون الأفخم بالعالم.
    بتوقع الأمر بيتعلق بالهدف اللي انصنعت لأجله السيارة. والسائق وطبيعة قيادته.
    ولكن بالطبع توقع أن يكون حجم المشكلات كبير اذا ما كانت سيارة مصمممة لخوض الطرق السريعة والمسافات الطويلة في ظل استخدامها الدائم في الزحام.

  2. Oday AlDoabal
    0
    2020-04-25T11:03:40+00:00

    هلق شوف صديقي
    اي سيارة بالعالم لو بدك تقسا عليها وتأهملها بالصيانة حتى لو كانت بوغاتي تشيرون رح تخرب وتعذبك بالمشاكل
    وبنفي الوقت بما انك سوري لو معك سابا او ريو ومحافظ عليها وما بتقسا عليها وتسوقا باسلوب مريح رح تخدمك عمر وتورثها لولاد ولادك
    يعني الموضوع بالكامل انت واسلوب قيادتك وطبعا جودة السيارة الها دور مهم
    بس بخصوص البي ام
    هلق سياراتهم حساسة شوي وبدك تلتزم بالصيانة بالموعد المحدد بدون اي تاخير وركب قطع اصلية مش تقليد وبعدا روح اجلد السيارة ما عندك مشاكل بس بدك الصيانة الصح
    بخصوص شغلة المرسيدس ليك ممكن الطرازات القديمة فعلا كانت متفوقة عالبي ام من ناحية الجودة والاعتمادية ولكن هلق بعد ما صارو مسؤولين مرسيدس محاسبين وليسو مهندسين همهم الاول والاخير الارقام والمصاري ونسوا الجودة تبع الشركة
    ومشان تصدق احصائية السيارات ااكثر اعتمادية بالعالم كانت بالمرتبة الاولة لكزس وبعدا بورش وبعدا كذا شركة بعدين بي ام دبليو بعيدين اودي وبعدين كذا شركة بعدين مرسيدس !!
    يعني البي ام الي معروف بالاعطال صارت اعتماديتو اكثر من مرسيدس هالايام هذه
    واذا مو مسدقني ابحق على الغوغل وشوف بعيونك
    تحياتي الك من سوريا كمان😅❤

  3. benzarab
    0
    2020-04-25T13:16:25+00:00

    العيوب المصنعة بالبي ام بتنقص زيت اكتر من لمرسيدس ولوكالة معترفة بهالشي وبالاخص مكركات لتيربو ولتيربو بالبي ام عمرو قصير ولبلدنا ولمكنيكية البقر اللي عنا المرسيدس انسب ولهيك بتلاقي سعر المرسيدس اضعاف سعر لبي ام

  4. Yamenkhj
    0
    2020-04-25T13:34:43+00:00

    للاسف صحيح صديقي وشي معروف عن bmw بس انت ازا التزمت بالصيانة فيك تتخطى هالشي بس صراحة بدك سيارة متل مانقول بتلقى دعك 😅
    فالمرسيدس اضمن وافضل بالميكانيك

  5. Melhem
    0
    2020-04-27T16:09:45+00:00

    سيارات اbmw فهي في الاجمال اعطالها اكثر من المرسيدس وفي الاخر كل السيارات تتعرض للاعطال

‫أضف إجابة