يا شباب حد يشرحلي شو الفرق بين سوبرتشارجر وبين بروتشارجر

سؤال

ومين الانسب على سيارة موستنج 2014

Naseem mustafa 2020-09-21T00:09:07+00:00 3 إجابات عضو جديد
0

إجابات ( 3 )

  1. Bassam Abu Ali
    6
    2020-09-21T00:35:18+00:00

    اول اشي حاب انبه على شغله في ناس بفكرو انو اسمو برو تشارج بس هو لا اسمو CENTRIFUGAL SUPERCHARGER واسم الشركة الي بتصنعو اسمها برو تشارج وارتبط اسمو باسمها
    هسا هو خليط من التيربو والسوبر تشارج
    هو كثير بشبه التيربو بس بتقدر تعرفو انو في بكره من برا بترتبط مع عامود الكرنك عن طريق جنيز(كشاااط) تمام وكل ما تدعس كل كل ما بلف هسا هاي البكره مربوطه من جواته بمجموعة من مسننات وضيفتها تضاعف السرعة الي بتلف فيها البكره واخر واحد منها كثير صغير وهو المخرج بكون بلف اسرع من البكره من برا
    على سبيل المثال كل لفة بتلفها البكره بكون من جوا لاف ٤ او ٥ لفات
    وهاض المخرج (المسنن الصغير) مربوط بفراشة بغرفة الهواء وبصير ضغط الهراء هناك هسا سرعته العاليه بتضغط الهواء و طرد مركزي لجوا الماطور داخل غرفة الاحتراق لتسريع من الانفجار

    ………..
    اما السوبر تشارج بشكل ملخص وسريع
    بكون أعلى الماطور (المحرك) وبكون الو بكره مربوط مع عامود الكرنك عن طريق كشااط وهو سريع ما في تأخر بالاستجابة وكل ما تدعس اكثر كل ما دخل هواء اكثر على الماطور

    اما شو الافضل لفورد هسا كل واحد بحكيلك رأيو الشخصي وهو شو بفضل
    انت اسال اهل اختصاص احسنلك

  2. belal briman
    2
    2020-09-21T09:38:35+00:00

    ما بظن في حدا رح يجاوب غيره لانو ما خلا ولا نقطة ماشاء الله 😂

‫أضف إجابة